KinoDosh qanday ishlaydi?

1. Filmni katalogdan tanlash

Bosh sahifadagi “Film tanlash” tugmasini bosing. Katalogda film nomini lotin yoki kirill yozuvida qidirishingiz mumkin. Kerakli film kartasidagi “Birga ko‘rish” tugmasi sizni xona yaratish bo‘limiga qaytaradi. KinoDosh film faylini o‘z serverida saqlamaydi: katalogdagi filmlar YouTube’ning rasmiy playeri orqali namoyish etiladi.

Film ochilmasa, uning mualliflik huquqi egasi YouTube’dagi videoni o‘chirgan, yashirgan yoki boshqa saytlarda ko‘rsatishni cheklagan bo‘lishi mumkin. Bunday holatda boshqa film tanlang yoki Yordam sahifasi orqali xabar bering.

2. Ism va xona sig‘imini tanlash

Xonada ko‘rinadigan ismingizni kiriting. Bu ism akkaunt emas va faqat boshqa ishtirokchilar sizni ajrata olishi uchun ishlatiladi. Film tanlangach alohida oynada xona hajmi belgilanadi. Free tarifda haftasiga 3 ta seans va 4 kishigacha xona mavjud. 5–10 kishilik xonalar hamda cheksiz seanslar KinoDosh Plus tarkibida rejalashtirilgan.

3. Xona yaratish va taklif yuborish

“Xona yaratish” tugmasi bosilganda noyob xona kodi va taklif havolasi yaratiladi. Havolani Telegram, WhatsApp, nusxalash yoki QR-kod orqali yuboring. Xona faqat admin sahifasi ochiq va internet aloqasi faol bo‘lgan paytda ishlaydi. Admin sahifani yopsа yoki qurilmasi uyqu rejimiga o‘tsa, boshqa ishtirokchilar uzilishi mumkin.

Taklif havolasini faqat ishonadigan odamlarga yuboring. Havolaga ega shaxs xonaga qo‘shilishi mumkin; xona kodi maxfiy parol vazifasini bajarmaydi.

4. Admin boshqaruvi va sinxronlash

Xonani yaratgan foydalanuvchi admin hisoblanadi. Play, Pause, vaqt bo‘ylab o‘tish va ijro tezligini o‘zgartirish kabi boshqaruvlar faqat unda faol bo‘ladi. KinoDosh bu harakatlarni boshqa ishtirokchilarga uzatadi va player vaqtini imkon qadar bir xil saqlaydi. Internet tezligi, qurilma quvvati yoki YouTube buferlanishi sabab qisqa farq paydo bo‘lishi mumkin.

Agar tasvirlar mos kelmay qolsa, admin videoni bir marta pauza qilib qayta boshlashi yoki vaqt chizig‘idan kerakli joyni qayta tanlashi mumkin.

5. Jonli chat va mobil foydalanish

Chat faqat joriy kino xonasi uchun mo‘ljallangan. Xabar yozishda shaxsiy ma’lumot, karta rekviziti, parol yoki boshqa maxfiy axborotni yubormang. Mobil qurilmada filmni kattaroq ko‘rish uchun katta ekran rejimidan foydalaning; chat yopiq bo‘lsa, yangi xabar qisqa bildirishnoma shaklida ko‘rinadi.

6. Muammo yuz bersa

Avval sahifani yangilang, internet aloqasini tekshiring va taklif havolasini qayta oching. VPN, reklama bloklagich yoki brauzerning qat’iy maxfiylik sozlamalari P2P ulanishini cheklashi mumkin. Muammo davom etsa, qurilma turi, brauzer nomi va ko‘ringan xato matni bilan Yordam sahifasi orqali murojaat qiling.